21 Following
Amr7assan

Amr7assan

Currently reading

المتلاعبون بالعقول
Herbert Irving Schiller, عبد السلام رضوان

يوتوبيا

يوتوبيا - أحمد خالد توفيق الفكرة ده كانت ممكن تبقي رواية ادبية جميلة لكن احمد خالد توفيق تعامل معها كرواية للجيب انهاها بسرعة وجعل نهايتها فى اربع صفحات ده غير انه فعلا الفكرة اتعملت قبل كده فى عدة روايات. هي تستحق فى نظرى نجمين تقييم لكن انا قيمته بثلاث نجوم لسببين انها مشوقة الصراحة مش مملة وعشان قصيدة الابنودى:) ..

هو قال باختصار ان يوتوبيا ده موجودة وهيا موجودة فعلا لأن حتي الان يوجد جزء من طبقة من الاغنياء بيطحنوا في الشعب ويسرقوهم وحاسين انهم ميستهالوش الحياة ( زى الحال دلوقتى مش فارقة معاهم يغور مبارك يجي سيسى يغور اخوان المهم انه يخرج ويسهر وابنه يتفسح ويعرف يطبق بره مع اصحابة لكن البلد والناس تولع طيب البلد بتتنهب مش فارقة طيب عدالة اجتماعية!! هوه اصلا مش هنا ) ...وفيه جزء من الطبقة المعدمة تحول للعنف والسرقة والاغتصاب نتيجة الظروف اللي عاشها..

الكاتب بيحاول يقول انه هيحصل انفجار من الطبقة الفقيرة (شبرا , العتبة) من كتر الطحن فيها وده طبعا يؤدى لعنف وجنس وادمان .. ومن الناحية الاخرى الترف والحياة المملؤة بجميع المتع ( سكان الساحل) تؤدي ايضا الى ذلك ... لكن جابر قى وسط المستنقع ده اظهر انه بنى ادم ومش اى بنى ادم كمان انه يسامح ناس كانوا عايزين يموتوا بنى ادم من الاغيار للتذكار .غير البطل من يوتيوبيا فانه مقتنع ان جابر وامثاله حيوانات يستحقون القتل , صديقته سألته قتلت جابر ليه ده كويس !! مجرد لوم ومضوا فى طريقهم كأنهم قتلوا حيوان ..

لكن ده مش حقيقي زى ما فى من الطبقة المطحونة جابر فيه ناس من طبقة مترفة بيحسوا بالبنى ادمين المقهورة , وده ظهر من ثورة 25 يناير اللى كان من ضمن الى بدأها ناس من طبقة مترفة اغلبها عنده وظيفة وسكن وعمره ما اتهان فى قسم شرطة لكن كانوا متأثرين بالطحن للفقراء والذل لهم, . والطبقة المطحونة ساهمت بالثورة ليس ضد الاغنياء لكن ضد طبقة الحكام الفاسدة وطبعا كلهم من اغنى الاغنياء لكن ليست كحقد طبقى ولكن كثورة على الفساد فى كل شئ .

وكان لازم يعطى مثال بردو لناس من يوتوبيا عندهم اى انسانية مش مجرد حيوانات.

التشأوم كمان زيادة شوية اه طبعا القهر ده ادى لعنف وبيؤدى لعنف طول ما مفيش اى عدالة اجتماعية لكن مش للدرجة التشأومية ده ..