21 Following
Amr7assan

Amr7assan

Currently reading

المتلاعبون بالعقول
Herbert Irving Schiller, عبد السلام رضوان

شيكاجو

شيكاجو - علاء الأسواني, Alaa Al Aswany رواية جنسية قذرة بمعنى الكلمة كل الابطال امريكان مصريين كل همهم الجنس وكمان علاء الاسوانى كل هدفه فى الرواية انه بيبين ليك اى اى حد كان بيصلى فى الرواية هوا اصلا زبالة وده الامثلة..

1- احمد دنانه ( يصلى وملتزم يبقى زباله عميل امن دوله بينافق الحاكم بيزور فى الابحاث بيقول ان الاسلام بيقول ان امريكا دار كفر فيسرقها ان الاسلام بيقول ان حرام تنتقد الحاكم وواجب طاعته ومعاه طبعافى الرأى ده الطالب الملتحى وانه عايز من اهل مراته فلوس عشان يطلقها)

2- طارق بيقولك ان من عاداته اليوميه يتفرج على مصارعة وفيلم سكس ويمارس العادة السرية وبعدين يصلى العشاء والشفع والوتر مش العشاء بس لأ والسنن وكمان بيقول سنة النبى قبل ما ينام على جنبه اليمين يعنى يصلى وسنن وذكر قبل النوم ويبقى من عاداته انه يتفرج على سكس وعادة سرية كل يوم !!!!!!!! طيب ممكن ان الواحد يكون بيصلى ويغلط او يعمل ذنب كلنا خطائون وممكن الشهوة تقتله يتفرج على سكس ويفضي شهوته لكن تبقى عادة يوميه!!. وبعدين لما حب شيماء وعلم كل حاجة الا الايلاج ويقولك فيه حديث ان ربنا بيفغر كل شئ ما دون الزنا!!!! مش ما دون الشرك اى تأليف طيب .. ربنا انشاء بيفغر كل الذنوب ما دون الشرك عشان التوبة يعنى عشان لو حد حتى عمل اى كبيره ميقنطش من رحمه ربنا فربنا بيقول يغفر لمن يشاء عشان يحفز الناس انها تتوب ومن شروط التوبه ابطل اعمل الذنب ولو عملته تانى اتوب تانى عشان ربنا غفور مش اكول بيفغر كل شئ وكل يوم اعمل كا حاجة مع شيماء وقبلها كل يوم افلام اباحية...

3- شيماء متدينة وبتصلى وخمار وقصة طيب الحوار اللى اعدت تتخيله ان لو الزنا حرام ليه ربنا مش بيعاقب امريكا وان فيه صاحباتها عملوا كل حاكة قبل الجواز واتجوزوا وهيا المحترمة متجوزتش كأن العقاب فى الدنيا كأن مفيش اخره ربنا يحاسب عليها لاى حد اذنب ..ولما عملت مع طارق اللى في نفسها كل اللى همها انها بتقوله انتا مبقتش تحترمنى ومش هتتجوزنى..وراحت وتأكدت من الحديث طيب الزنا لازم ايلاج وكل اللى عملتيه ده حلال يعنى اذا كان ربنا أمرنا بغض البصر بيقى البوس وكل الحاجات ده حلال يعنى وطبعاً الاسوانى قالك على فكره الجواز زمان من غير توثيق صح ويجوز دلوقتى لكن بشررط منها الاشهار وموافقة ولى الامر ...

4- بلبع مدير الدكتور دوس بيصلى العصر يبقى زباله يضهد الاقباط فين يا علاء يا اسوانى ده فى الاسلام ...

طيب يا جماعة من مسلم كويس فى نظر علاء الاسوانى الثورى ناجى عبد الصمد اللى بيقولك انا مش متزمت فبشرب خمرا الى بيمارس الجنس براحته هوه ده الاسلام ما دام مؤمن فى قلبك ...وطبعا مين الكويس كرم دوس القبطى اللى اتظلم واللى شاف الصليب فقرر يعالج دكتور بلبع لما شاف الصليب قرر يعالج اللى ظلمه فى مصر وسبب هجرته طيب مفيش واحد مسلم بيصلى شاف القرأن وعمل حاجة صح يا اسوانى ..

طيب هات نموذج واحد اسلامى كويس واحد بس زى القبطى اللى انتا جبته كل اللى بيصلوا ويعرفوا ربنا وحشين وزباله ده غير دكتور جراهام اللى مش مؤمن برنا اصلا وطبعا رجل شيويعى وثورى ومناضل وهو اللى وافق ناجى يدرس فى امريكا..
الخلاصة ان الاسلام والصلاه كل ده مش مهم اعمل اللى انتا عايزه زنا خمرا اى حاجة المهم القلب ..المهم يا اسوانى الاعمال ولما اعمل ذنب اتوب مش كل يوم ااعمله واقول ربنا يغفر ..

المفروض أنه بيقى محايد يقول ان مش كل الملتحين وحشين ومش كلهم بيحرموا الخروج على الحاكم بدليل ثورة 25 يناير ونزول الاسلاميين اكيد فيه منهم وحشين لكن مش كلهم وحش وعملاء كل اللى بيصلوا زباله فيه ناس بتصلى وحراميه بس مش كلهم واه نسيت اقولك الفكر الوهابى اللى بيحرم الخروج على الحاكم حزب النور وياسر برهامى اللى قال مش نازل 25 يناير هوه دلوقتى اللى بيأيدك وبيأيد ثورة 30 يونيه ومعاه على جمعه واحمد الطيب فاكرهم اللى حرموا الخروج على الحاكم والسعودية اللى اخترعت الوهابية اللى مضايقة البطلة الثورية بتاعتك زينب وناجى عبد الصمد ابقى اعمل رواية بقى سميها جده او الرياض قول ان الفكر الوهابى حلو...

ده غير طبعا ان الاسوانى كل اللى همه الجنس رواية جنسية بشكل قبيح كأن الناس كلها مش هامها غير الجنس وبس زى الحيوانات الجنس مهم رغبة وغريزة لكن اعمل رواية كل ابطالها نفسهم فى الجنس لدرجة ان الزبالة الاسوانى بيقول ان فيه من ضمن زوجات المعتقلين بيبقوا محرومين جنسياً وعشان هما ضعفاء لما ازواجهم اتسجنوا فبيمارسوا الجنس مع صفوت شاكر اللى اعتقل ازواجهم وبيحسوا بنشوى عشان ظابط مهم عايزهم حاجة مقرفة الصراحة رواية قذرة بمعنى الكلمة ...