21 Following
Amr7assan

Amr7assan

Currently reading

المتلاعبون بالعقول
Herbert Irving Schiller, عبد السلام رضوان

اقتصاديات الفساد في مصر: كيف جرى إفساد مصر والمصريين

اقتصاديات الفساد في مصر: كيف جرى إفساد مصر والمصريين - عبد الخالق فاروق, محمد رءوف حامد, نادر فرجاني الصراحة الكتاب ممكن يستحق تقييم اعلى لكن انا قيمته ثلاث نجوم لسببين
:
السبب الاول: الكاتب المفروض أنه بيتكلم عن كيف جرى الافساد واهدار المال العام فى فترة السادات ومبارك ولم يذكر شيئأ عن الفترة الناصرية لم يحكى لنا كيف تم اهدار المال العام فى الفترة الناصريةكيف استلم ناصر مصر وبريطانيا مديونية لمصر وسلمها مديونة ومحتلة وكيف تم سرقة مجوهرات وقصور الاسرة المالكة(وعشان مش عايزيين فلسفة وحد بيقول دولا اقطاعيين وحرامية كان من الممكن ترجع الاصول ده كلها للدولةزى ما حصل فى ثورة لينين) لكن اللى حصل ان مجموعة من الظباط الاحرار خدوا اكتر من نصفها ولم يحكى لنا عن تأميم الشركات والمصانع وازاى كان بيخلى ظابط مش فاهم اى حاجة فى الصناعة يبقى مدير مصنع وطبعاً المصنع يخسر مش مهم ( وبرده عشان لو حد قال طيب مهما اصحاب المصانع حرامية وده طبعاً مش صح مش كلهم حرامية يعنى وبعدين ده أمم محلات مش مصانع بس كان ممكن يجيب اى حد فاهم يمسك المصنع مش لازم ظابط فاسد مش فاهم حاجة تبعه والا محدش يلوم على الاخوان انهم بيعيينوا دلوقتى حبايبهم بس ميبقوا كده زى ناصر بحجة ان مصر كلها حراميةومفيش فيها كفاءات غيرهم)وده كانت بداية عسكرة الحياة المدنية.. والكاتب بيتكلم عن فساد الصحفيين ولم يتكلم عن هيكل وعن مصطفى امين اللى كان حبيب ناصر لحد ما ناصر سجنه وقال عليه جاسوس لامريكا!! وازاى اى صحفى كان بيتكلم فى اى حاجة ضد عبد الناصر كان بيتسجن ( ومحدش ينسى احمد عبد الفتاح)اذا كان ناصر سجن يوسف صديق اهم واحد فى ثورة 23 يوليه مش هيسجن صحفى !! وده فساد بالظبط زي الصحفى اللى بياخد رشوة على هيئة اعلان من وزارة واتكلم الكاتب عن كيف تم افساد القضاء ولم يتكلم عن مذبحة القضاء اللى عملها ناصر وده مش فساد ده قمة الفساد وكمان بيتكلم عى الديمقراطية ومجلس الشعب ازاى تم افساده ومحكاش لينا ان اللى قتل الديمقراطية فى مقتل هوه ناصر لما لغى الاحزاب فى مصر وسوريا!! ومحكاش طبعاًعن حرب اليمن اللى صرفنا فيها فلوس اد كده ومات جنود مصريين ..ولم يتكلم عن الوسطة والمحسوبية اللى بدأت فى عهد ناصر ..
فكان من الممكن الكاتب يتكلم ياريت بقليل من الحيادية ويقول كان فيه فساد فى عهد ناصر السادات وحسنى ومازال الفساد فى مصر حتى الان مش عشان ناصري ميقولش الحقيقة..

السبب الثانى : انه تكلم عن دعم المشتقات البترولية وجانبه التوفيق فى جزء ولم يجانبه فى جزء اخر ... طبعاً بطرس غالى الحرامى كان بيستهبل لما يحسب مثلا السولار الذي يتم تكريره فى المعامل المصرية من الخام المصرى ويقارنه بالسعر العالمى ويقول ان الفرق يبقى دعم وده قمة الفساد لكن الخطأ الذى وقع فيه الكاتب انه قال ان انا بشترى من حصة الشريك كمية قليلة وليس بالسعر العالمى وبستورد منتجات بترولية بكميات قليلةوبرده مش بالسعر العالمى والكلام فى العام المالى 2007/2006و 2008/2007وده مش صح طبعاً انا بشترى 90% من حصة الشريك فى الخام والغاز بالسعر العالمى وبستورد منتجات بترولية بكميات كبيرة خصوصا من السولار والبوتاجاز وطبعاً بالسعر العالمى عن طريق مناقصات والسعر يكون مرتبط بالاسعار العالمية فى النشرات العالمية فى platts marketwire و platts marketscan وطبعاً الفرق بين السعر العالمى اللي بستورد بيه والسعر اللى بيبتباع بيه المنتج فى السوق المحلى من اسعار بوتاجاز بنزين سولار بيبقى دعم تتحمله الهيئة المصرية العامة للبترول
وده ميمنعش طبعاً ان الكلام اللى قاله الكاتب عن الفساد فى عهد السادات ومبارك مهم جدا وقيم جداً