21 Following
Amr7assan

Amr7assan

Currently reading

المتلاعبون بالعقول
Herbert Irving Schiller, عبد السلام رضوان

السمان والخريف

السمان والخريف - نجيب محفوظ رواية اخرى لتمجيد ثورة يوليه 52 !!! الرواية بتوضح حالة البطل عيسى النفسية والاجتماعية وهو من حزب الوفد (فلول) بعد يوليه 52 وبعد ان تم فصله من العمل لتطهير الفساد !!! .

انا كنت عايز نجيب محفوظ يعطى لنا مثال مش على الفلول او حزب الوفد بس.. انا عايز مثال على حياة واحد من اللى ساعدوا عبد الناصر عشان تنجح الثورة وغدر بيهم وسجنهم وعذبهم يعنى يقولى حالة واحد مثل يوسف صديق بعد النفى والحبس له ولزوجته ولخادمه !! طيب مثال لخالد محيى الدين بعد النفى او مثال لحسنى الدمنهورى بعد التعذيب والسجن 25 سنة او ظباط المدفعية وكانوا من ضمن اظباط احرار او مثال لحركة حدتو واعضائها الذين ساعدوا فى طباعة منشورات الظباط الاحرار وسجنهم بعد كده او مثال للاخوان او مثال للشيوعين او للسنهورى اللى اضرب بالجزم او ظباط الفرسان او محمد نجيب او الصحفى احمد ابو الفتح كل دولا ساعدوا ناصر وسجنهم ونكل بهم ... وغيرهم كتير طيب ممكن مثال للحالة النفسية لعائلة البقري وخميس بعد اعدامهم لعمل مظاهرة واتهامهم انهم شيوعيون وغيرهم وغيرهم لحد ما اتخلص من مصطفى امين وعبد الحكيم عامر نفسه الامثلة كتير أو الحالة النفسية والاجتماعية وحياة واحد بس بعد ما اتهان كراميته وفقد ادميته من التعذيب على يد زبانية شمس بدران وحمزة بسيونى واظن ان نجيب قام بجزء من ذلك بعد موت ناصر طبعا فى رواية الكرنك.. لكن انا بتكلم وقت نشر الرواية كان مقصود به تشويه الاحزاب وتمجيد الثورة التى قامت بالتطهير.

الرواية منقسمة فى رأيى لقسيمن

الاول له مدلول سياسى وده بالغ السوء:
هو عايز يقول ان ثورة 52 يوليه طهرت فساد الاحزاب وضرب مثل بحزب الوفد اللى البطل منضم ليه يعنى اهم حزب فى الامة ساعتها كان فاسد , وجاء على على لسان البطل ان الحزب انتهى فى 1936 يعنى قصده بعد المعاهدة وجاب مثال تانى فى 1942 ( قصده حادثة حصار القصر)طيب مفيش مثال على ان حكومة الوفد لغت المعاهدة واصبح لقب ملك مصر (ملك مصر والسودان) وازاى كانوا رافضين مفاوضات صدقى بيفن ( لانفصال السودان والحاق تركيا بالاتفاقية وده تم الحمد الله فى اتفاقية الجلاء!!!) او القتال فى القنال او ازاى كانوا قافلين مضيق تيران للسفن كلها اللى راحة اسرائيل مش اللى عليها علم اسرائيل بس والمضيق اتفتح على يد ناصر بعد 1956 اى حاجة حلوة ولو بسطية وجاب ان الوفد اللى هما الفلول كانوا بتمنوا خسارة مصر فى 1956 بس عشان هما مش مشاركين فى الثورة وعشان حالهم اصبح اسوأ بعد الثورة مش للدرجة ده يعنى ان الواحد يتمنى مصر تخسر عشان مصلحته دولا كلاب قوي يعنى اصلها مش هتخسر ماتش الجزائر يعنى .

الثانى الادبى:
وده جميل عرف يشرح لنا كيف كانت حالة عيسى النفسية والاجتماعية بعد ان اصبح من الفلول وتم فصله.